بلا خلطات بلا هم هذا هو الحل

من طرف **meme** السبت مارس 05, 2011 10:51 pm

السلالالالام عليكم ورحمة الله وبركاته <<<< السلام سنه ورده واجب

المهم انا ياحلوات واللي يشهد علي ربي في الساعه المباركه
انه كان شعري اول عادي مو خشن فلافل قعاريط ولا ذاك الناعم الحرير اللي يتزحلق
يعني لازم استشوار ثلث ساعه نص ساعه وانا استشوره

المهم
كان يتقصف مره مره والشعره اذا مسكتيها انكسرت بيدك كسر او تنسحب من جذورها بكل بساطه

وتعبت نفسيتي مره مره ومابقى خلطه ماحطيتها عليه ولا كريم الا واستخدمته ومع ذلك مافاد فيه شي

يوم جا ذاك اليوم وانا اللي انزل لبقالة الاندونيسي اللي حولنا واروح اتمشى فيها من ضيقة الصدر
والقى عنده خرابيط واجددددددده
قلت له مير ياصديق مالقى عندك شي يزين الشوشه
قال صديق الا ياماما تعالي شوفي
وهو اللي يطلع لي ذاك الشامبو اللي شكله غريب ولونه غريب والكلام اللي عليه غريب بعد يعني مافيه شي عربي

المهم قال هذا ياماما ممتازززززززززز مره مره للشعر
هذا نفر سعدي كلو شيل هذا شامبو هذا ميه ميه

وانا اللي اخذ منه وحيده قلت خل اجربها
وانا اللي امر على البقاله واجيب زيت عافيه حق العشاء
واصير ادهنه بزيت عافيه واغسله بشامبو ميتال

وقسم القسمات انه طلع شعري خيااااااااااااااااااااااااااااااال

والله كثير يشوفوني يقولون شعرك زاين وراح ذاك اللي يتكسر واللي يتعفط
اول اذا توضيت للصلاة تصير مقدمة شعري فلافل كنها سبرنقات الحين
طلعت متمططه وش ملحها

وانا الحين صار لي 5 شهور استخدمها

والحمد لله مبسوووووووووووووطه عليها اللهم لك الحمد ولك الشكر

وبس هذي وصفتي خلصت
والرجاء نقلها للمنتديات الاخرى لتعم الفائده والدال على الخير كفاعله

اختكم الملوسنه ( دعواتكم لي بالوظيفه و
ودمتم سالمين